Samarqand viloyati hokimligida viloyat tashkilotlari rahbarlari va jamoatchilik vakillari ishtirokida o‘tkazilgan tadbirda O‘zbekiston Respublikasi Prezidentining Samarqand viloyatidagi Xalq qabulxonasi mudiri tanishtirildi.

Viloyat hokimligi axborot  xizmatining ma’lum qilishicha, tadbirda O‘zbekiston Respublikasi Prezidenti maslahatchisining birinchi o‘rinbosari Baxtiyor Islomov ishtirok etib, O‘zbekiston Respublikasi Prezidenti Administratsiyasi rahbarining farmoyishi bilan Mamatjon Mukumovich Turdiyev O‘zbekiston Respublikasi Prezidentining Samarqand viloyatidagi Xalq qabulxonasi mudiri lavozimiga tayinlanganligini ma’lum qildi.

 Tadbirda Xalq qabulxonasi mudiri va Xalq qabulxonalari oldida turgan vazifalar haqida fikrlar bildirilgan.

 Eslatib o‘tamiz, bundan avval O‘zbekiston Respublikasi Prezidentining Samarqand viloyatidagi Xalq qabulxonasiga 2020 yil 10 fevralda Bosh prokuror o‘rinbosari-harbiy prokuror vazifasiga tayinlangunga qadar Sh.Uzoqov rahbarlik qilgan edi.