Mamlakatimizda fuqarolarning huquqiy va iste’mol madaniyatini oshirish, ishlab chiqarish mas’uliyatini kuchaytirish borasida jamoatchilik nazoratini ta’minlash, iste’molchilarning huquq va qonuniy manfaatlarini himoya qilishga alohida e’tibor qaratilmoqda.

Har bir fuqaro borki, o‘z huquqini, iste’mol madaniyatini bilib, joyi kelganda iste’molchilik haq-huquqlarini talab etishi zarur.

Olov insonlarni tsivilizatsiya sari ildam etaklagan unsur hisoblanadi.

Romitan tumani Xosa qishlog‘i 176-xonadonda yashovchi Ramazon Bozorovning O‘zbekiston Respublikasi Iste’molchilar huquqlarini himoya qilish jamiyatlari federatsiyasining Buxoro viloyati hududiy birlashmasining ishonch telefoniga qilgan murojaatida ko‘rsatilishicha, u xonadonida tabiiy gaz yo‘qligidan noroziligini bildirdi.

Ariza yuzasidan Romitan tumani iste’molchilar huquqlarini himoya qilish jamiyati hamda “Romitangaz” filiali xodimlari bilan birgalikda o‘rganish ishlari olib borildi. Natijada iste’molchi istiqomat qiladigan Xosa qishlog‘ida “Obod qishloq” dasturi doirasida rekonstruktsiya ishlari olib borayotganligi, er ostidan o‘tuvchi quvurlar yaroqsiz holga kelganligi sababi aniqlandi. Eski quvurlar yangisiga almashtirilib, murojaat ijobiy hal qilindi.

O‘zA