Avval xabar berganimizdek, Prezident Shavkat Mirziyoevning “5 ta tashabbus” loyihasi doirasida Sirdaryo viloyatida amalga oshirilgan bunyodkorlikni keng targ‘ib qilish maqsadida ishchi guruh tuzildi.

Ularga yoshlarning vaqtini unumli tashkil etish uchun madaniy tadbirlar va to‘garaklar, kompyuter savodxonligi va internet markazlari, sport to‘garaklari va markazlari tashkil etish, kitobxonlikni kuchaytirish maqsadida mavjud kutubxonalarni invertarizatsiyadan o‘tkazgan holda kitob fondini yangilash, kitob do‘konlari, “book cafe”lar tashkil qilish, ma’naviy tadbirlarni ko‘paytirish, uy bekalarini tikuv va tekstil tsexlariga jalb qilishni tizimli tashkil etish vazifasi yuklatilgan.

Belgilangan vazifalarni respublika bo‘ylab sifatli amalga oshirishda Toshkent viloyatining Bo‘ka tumanida dastlabki tajriba amaliyotlari boshlandi. Bundan ko‘zlangan maqsad mazkur kontseptsiya va taklif etilayotgan har bir loyihalarni puxta oprabatsiyadan o‘tkazib, ularni amaliyotda samarali qo‘llashdan iborat.

Loyiha doirasida Prezident Administratsiyasi rahbar xodimlari, tashabbusga mas`ul bo‘lgan vazirlar va ularning jamoalari shu onda o‘z faoliyatlarini boshlashgan.