O‘zbekiston Respublikasi Bosh prokurori o‘rinbosari Akmalxo‘ja Mavlonov Surxondaryo viloyati Denov tumanida sayyor qabul o‘tkazdi.

Xususan, joriy yilning 21 aprel kuni Surxondaryo viloyati Denov tumanidagi "Sport va pedagogika" kolleji binosida viloyatning Denov, Uzun, Sariosiyo, Oltinsoy va Sho‘rchi tumanlari aholisi ishtrokida sayyor qabul o‘tkazdi.

Uchrashuvda Surxondaryo viloyati prokuratura rahbariyati, tuman hokimliklari mutasaddilari, sektorlar hamda idora va tashkilotlar rahbarlari jalb etildi.

Sayyor qabul davomida 45 ta fuqarolarning murojaati eshitildi. 

Fuqarolarning murojaati yo‘llarni ta’mirlash, toza ichimlik suvi ta’minotini yaxshilash, kommunal sohadagi kamchiliklarni bartaraf etish, uy-joy bilan ta’minlash, tibbiy xizmat ko‘rsatish sifatini yaxshilash va tadbirkorlikni rivojlantirish, ishga joylashish singari murojaatlar tushdi.

Joyida hal qilish imkoni bo‘lgan og‘zaki murojaatlar yuzasidan ularning talablari qanoatlantirildi. Atroflicha o‘rganishni taqozo etadigan dolzarb masalalarni hal etish yuzasidan yechimini topish vakolatiga ega bo‘lgan davlat idoralariga muddat belgilanib, tegishli organlar tomonidan nazoratga olingan holda topshiriqlar berildi.

O‘zA