Jizzax viloyatida O‘zbekiston Respublikasi Ichki ishlar vaziri o‘rinbosari, polkovnik M.Jo‘raev ommaviy sayyor qabul o‘tkazdi.

Jizzax politexnika instituti binosida tashkil etilgan sayyor qabulga 200 nafarga yaqin fuqaro keldi. Ularning turli hududlardan tashrif buyurishlari uchun Jizzax viloyati ichki ishlar boshqarmasi tomonidan 14 ta avtobus ajratildi. 

Sayyor qabul davomida kelib tushgan murojaatlardan 50 tasi joyida ijobiy hal etildi. Shuningdek, yechimi vaqt talab etadigan 104 ta masalani hal qilish bo‘yicha muayyan vaqt belgilanib, tegishli idoralar mas’ullariga topshiriqlar berildi. 16 ta masala esa respublika mikyosidagi tashkilotlar e’tiboriga havola etiladigan bo‘ldi.

Tadbir doirasida 30 nafar fuqaroga mikroto‘lqinli pech, 3 nafar voyaga yetmaganga bola hamda 10 nafar katta yoshlilarga nogironlik aravachasi topshirildi. 

Tadbir yakunida Jizzax viloyati ichki ishlar boshqarmasi hamda shahar va tuman ichki ishlar bo‘limlari rahbarlariga sayyor qabul davomida ko‘tarilgan muammolarni hal qilinishi ustidan nazorat o‘rnatish, joylarda sayyor qabullar tashkil etish, aholini qiynayotgan muammolarni samarali bartaraf etish bo‘yicha topshiriq va tavsiyalar berildi.

O‘zA