Aholi bilan bevosita va ochiq muloqotni ta’minlash, mavjud muammolarni aniqlash hamda ularni joyida bartaraf etish yuzasidan tezkor choralar ko‘rish maqsadida O‘zbekiston Respublikasi Bosh prokurori o‘rinbosari E.Yuldashev joriy yilning 25-iyun kuni Samarqand viloyati Payariq tumanida sayyor qabul o‘tkazdi.

Qabulda 150 nafar fuqarolar bilan suhbat o‘tkazilib, ulardan 114 ta murojaatlar qabul qilindi. Kelib tushgan murojaatlarning 29 tasi joyida hal etildi.

Xususan, 16 nafar fuqarolar ishga joylashtirildi, 1 nafar fuqaroga nogironlik aravachasi, 2 nafariga eshitish moslamasi, 5 nafariga qo‘ltiq tayoq, 1 nafariga fuqarolik pasporti olib berilishi, 2 nafariga  davolanish uchun sanatoriyaga yo‘llanma berish masalasi hal qilinib, 2 nafariga huquqiy maslahat berildi hamda 1 million 550 ming so‘m pullar undirilishi ta’minlandi.

Qolgan 85 ta murojaatlar alohida nazoratga olindi.

Qabul qilingan murojaatlarning 5 tasi sud qarorlari bo‘yicha (fuqarolik – 1, ma’muriy – 4),  7 tasi surishtiruv va tergov masalalari yuzasidan, 87 ta ijtimoiy-iqtisodiy, sud qarorlari va boshqa organlari qarorlari ijrosi bo‘yicha 4 ta, 3 tasi voyaga yetmaganlar va 7 tasi qishloq xo‘jaligi masalalari bo‘yicha kelib tushdi.