Qo‘ziboy O‘ljaev va Zohir Bozorovga O‘zbekiston fuqaroligini olish bo‘yicha huquqiy maslahatlar berildi. Normurod Tog‘aevning pensiyaga doir muammosini bartaraf etish bo‘yicha tuman pensiya jamg‘armasiga vazifa yuklatildi.

Bu masalalar Navoiy viloyati Nurota tumanining olis hududlaridan biri -“Sentob” mahalla fuqarolar yig‘inida o‘tkazilgan sayyor qabulda hal etildi. 

Unda fuqarolarni qaynab kelayotgan o‘n beshdan ortiq masala ko‘tarildi. Shundan uchtasi shu joyni o‘zida hal etilib, qolgani nazoratga olindi. Xususan, Hamro Ro‘ziboevning murojaatiga ko‘ra, Nurota tumanida bolalar uchun yozgi oromgohlar mavjud emas,bu esa nurotalik bolalarning uzoq Zarafshon shahridagi oromgohlarda hordiq chiqarishiga sabab bo‘lmoqda. Vaholanki, xorijiy sayohlar dam olayotgan Sentob qishlog‘ining o‘zida ekooromgohlarni tashkil etish imkoniyati mavjud. Shu bois mazkur murojaat tuman hokimligini nazoratga olindi.

Sayyor qabul yakunida Mustaqilligimizning 28 yilligi munosabati bilan jismoniy imkoniyati cheklangan, nogironligi bo‘lgan fuqaroga nogironlik aravachasi, qo‘ltiqtayoq va quloqchinlar berildi. 

Shuningdek, sayyor qabulda ishtirok etgan fuqarolarga badiiy adabiyotlar tarqatildi.

Sayyor qabulda Navoiy viloyat adliya boshqarmasi boshlig‘i Sh.Bahronov Nurota tuman hokimi U. Xalilov va boshqalar ishtirok etdi.

O‘zA