Ilgari Moʻynoq desa, Orol tark etgan, tuz koniga aylangan olis tuman koʻz oldimizda gavdalanar edi. Endilikda Prezidentimiz Shavkat Mirziyoyevning tashabbusi bilan Moʻynoqqa boʻlgan eʼtibor butunlay oʻzgardi. Moʻynoq bugungi kunda yurtimizning eng olis va chekka tumani emas, balki qaynoq voqealar markazidagi hududlardan biriga aylandi.
Hozirda Yurtboshimiz tashabbusi bilan Orol suvi tortilgan hududlarda saksovulzorlar barpo etilayotir. Quvonarlisi, bu xayrli ishga yurtimizdagi barcha fuqarolar, keksa-yu yosh oʻz hissasini qoʻshmoqda. Prezidentimizning “Madaniyat Moʻynoqdan boshlanadi” degan purmaʼno soʻzlari bugun hayotimizda oʻz aksini topmoqda. Bir soʻz bilan aytganda, bugun barcha yoʻllar bizni Moʻynoq tomon eltmoqda.
Oʻzini shu yurtning fuqarosi deb bilgan har bir inson umid bilan saksovul urugʻini ekish uchun Orol tomon oshiqmoqda. Bu ishda OʻzLiDeP faollari ham tashabbuskorlar safida boʻlmoqdalar. Xususan, yaqinda partiyaning Fargʻona shahar Kengashi deputati, Fargʻona xalqaro aeroporti rahbari Mirodil Madaminov bir guruh partiya faollari bilan Moʻynoqda boʻlib, Orolning qurigan joyida toʻrt yuz kilogrammga yaqin saksovul urugʻini ekib, yaqin kelajakda barpo etiladigan oʻrmonzorlarga oʻz hissalarini qoʻshdilar.
Orol muammosi jahon hamjamiyati muammosi ekanligini dunyo tan oldi. Xususan, davlatimiz rahbari 2017-yil Birlashgan Millatlar Tashkilotining 72-assambleyasida yuksak minbardan turib “Yana bir bor eʼtiboringizni zamonamizning eng dolzarb ekologik muammolaridan biri — Orol fojiasiga qaratmoqchiman.
Orol fojiasining xaritasiga eʼtibor qiling. Fikrimcha, bu yerda izohga hojat yoʻq. Dengiz qurishi oqibatlarini bartaraf etish bugungi kunda xalqaro hamjamiyatning birgalikdagi faol harakatlarini talab qiladi. Biz BMTning bosh kotibi ilgari surgan fikr — “suv, tinchlik va barqarorlik masalalari bir biriga uzviy bogʻliqdir”, degan soʻzlariga toʻlaqonli qoʻshilamiz. Ishonchim komilki, suv muammosini hal qilishda bu mintaqa va xalqlarning manfaatlarini teng hisobga oladigan boshqa yechim yoʻq”, degan edilar.
— Bugun Orol taqdiri shu yurtda yashaydigan har bir insonni tashvishga solayotgani ayni haqiqatdir. Orolni qayta toʻldirish chorasiz boʻlsa ham ekologik holatni yaxshilash imkoni bor ekanligini bilamiz. Mana shunday ezgu ishga hissa qoʻshish fuqaro sifatida mening ham asosiy burchimdir. Ishonchim komil, hali Moʻynoq turizmi rivojlangan markazlardan biriga aylanadi. U yerdagi muhit, fuqarolar ahil-inoqligi, eski uylar oʻrnida yangi obyektlar qad rostlayotgani, “Qizil kitob”ga kiritilgan qushlarning parvozi meni oʻziga rom etgan boʻlsa, “Kemalar qabristoni” etimni jimirlatdi, — deydi biz bilan suhbatda Mirodil Madaminov.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Бузилган уй-жой, олиб қўйилган ер майдони ўрнига ер майдони, уй-жой ва компенсация ажратиш | Президент почтаси | 6 May 2024 | 18 Sentabr 2024 | Navoiy viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Жамоат тартиби муҳофазаси ва ҳуқуқбузарликлар профилактикаси | Веб-сайт | 13 Fevral 2024 | 27 Fevral 2024 | Surxondaryo viloyati |
Пенсия ёки нафақа тўлови ТЎХТАТИЛГАНЛИГИ | Веб-сайт | 29 Aprel 2024 | 2 May 2024 | Toshkent viloyati |