Давлатимиз раҳбарининг жорий йилнинг 30 май кунги “Ўзбекистон Республикаси Президентининг тадбиркорлар билан очиқ мулоқотини ташкил қилиш чора-тадбирлари тўғрисида”ги қарори ижроси доирасида Жиззах вилоятида ҳам бир қатор ишлар амалга оширилмоқда.

Куни кеча вилоят ҳокимининг биринчи ўринбосари Абдували Мустанов Ғаллаорол ва Зарбдор туманларида бўлиб, ушбу ҳудуд тадбиркорлари билан учрашди ва уларнинг муаммо ва таклифларини тинглади.  

Учрашувларда туман ҳокимлари, секторлар раҳбарлари, тижорат банклари масъуллари, ҳоким ўринбосарлари ҳамда туманда турли соҳа ва йўналишларда фаолият юритаётган тадбиркорлик субъектлари вакиллари ҳамда ташаббускор ёш тадбиркорлар ва оммавий ахборот воситалари вакиллари иштирок этди.  

Очиқ мулоқот тарзида ўтган учрашувларда тадбиркорлик соҳасини ривожлантириш борасида белгилаб берилган вазифалар, айнан, Ғаллаорол ва Зарбдор туманларида амалга оширилаётган ишлар, хусусан, ҳудудлар саноат ва ишлаб чиқариш салоҳиятини ошириш ва тадбиркорларни ҳар томонлама қўллаб-қувватлаш масалаларига алоҳида эътибор қаратилди.