Қорақалпоғистон Республикаси Мўйноқ тумани марказида Маҳалла ва нуронийларни қўллаб-қувватлаш бўлими ҳамда “Нуронийлар маскани”нинг янги бинолари фойдаланишга топширилди.

Шу муносабат билан ташкил этилган тадбирда давлатимиз раҳбари ташаббуси билан мамлакатимизда маҳаллалар фаолиятини такомиллаштириш, уларнинг моддий-техник базасини мустаҳкамлаш, ёши улуғ инсонлар, кекса авлод вакилларини қўллаб-қувватлашга  қаратилаётган эътибор ҳақида сўз борди. Янги бинолар ҳудуд аҳолиси, шу жумладан нуронийларнинг маданий дам олиб, вақтларини мазмунли ўтказишларига хизмат қилади.

Оила, хотин-қизлар ва кекса авлод вакиллари билан ишлаш тизимини янги даражага олиб чиқиш, маҳаллабай ишлашга масъул бўлган шахслар фаолиятини самарали ташкил этиш ва ўзаро ҳамкорлигини таъминлашда мазкур масканлар фаолияти муҳим ўрин тутади.

Тадбир иштирокчилари масканда яратилган шароитлар билан яқиндан танишди.