Ўзбекистон Республикаси олий ва ўрта махсус таълим вазири Абдуқодир Тошқулов фуқаролар мурожаатлари бўйича навбатдаги қабулни ўтказди.

Унда талабалар ҳамда уларнинг яқинлари хорижий ва республика олий таълим муассасаларидан ўқишни кўчириш, магистратура ва докторантурага қабул, таълим кредити ва бошқа масалалар юзасидан бевосита вазирга мурожаат қилди.  

Икки ярим соат давом этган қабулда вазир томонидан фуқароларнинг ҳар бир мурожаатига тегишли бошқарма раҳбарлари ва масъуллар иштирокида ҳуқуқий тушунтириш ва маслаҳатлар берилди.  

Қабулда эллик нафарга яқин фуқаро иштирок этиб, 43 та мурожаат келиб тушди. Шундан, 15 та мурожаат жойида ҳал этилди, 23 таси бўйича ҳуқуқий тушунтириш берилди. Қўшимча ўрганиш талаб этиладиган 5 та мурожаат бўйича масъулларга тегишли кўрсатмалар берилди. 

Маълумот ўрнида айтиш керакки, шу куни вазирликда кун давомида жами 124 нафар фуқаро мурожаатлари қабул қилинди.