Аномал совуқ барчамизнинг бошимизга синовли кунларни солди. Ташвишлар ҳар қачонгидан ошди. Бундай пайтда эҳтиёжманд ва эътиборга муҳтож оилалар ҳолидан хабар олиш ҳар қачонгиданда муҳимдир.

Қашқадарё вилояти Касби тумани ҳокимлиги томонидан хайрли ташаббус амалга оширилди. Туман ҳокимлиги, туман маҳалла ва нуронийларни қўллаб-қувватлаш бўлими ҳамда “Маҳалла” хайрия жамоат фонди туман бўлими  ҳамкорлигида ҳудуддаги эҳтиёжманд, боқувчисини йўқотган ҳамда бемор инсонларнинг ҳолидан хабар олинди. Уларга озиқ-овқат маҳсулотлари жамланмаси, кўмир маҳсулотлари тарқатилди.  

Эътибор ва ғамхўрликдан хурсанд инсонлар қўлларини дуога очиб шукролик билдирди.