Мамлакатимиз бўйлаб «Обод хонадон – обод кўча – обод маҳалла» мезонларини жорий этиш бўйича олиб борилаётган бунёдкорлик ва ободонлаштириш ишлари Тошкент шаҳрининг Янгиҳаёт туманида ҳам ўз аксини топмоқда.

Шу кунларда Янгиҳаёт туманидаги Хўжа Учқун маҳалласида аҳоли мурожаатларига асосан бунёдкорлик ва ободонлаштириш ишлари олиб борилмоқда. Хусусан, «Обод маҳалла» дастурига биноан ҳудудга режадаги 24 минг кв.метр йўлнинг 11 минг кв.метрига асфальт ётқизилди. Қолаверса, 128 та ёритгичлар янгидан ўрнатилди. Шунингдек, маҳалла аҳлига янада қулайлик яратиш мақсадида ташландиқ бўлган 800 кв.м ҳудуд сайилгоҳга айлантирилмоқда.  

Маълумот ўрнида шуни айтиш мумкинки, мазкур маҳаллада 3000 дан ортиқ аҳоли яшайди. Хонадонлар сони 665 та ва уларда 872 та оила истиқомат қилади.