Samarqand viloyat sudi raisining o‘rinbosari – jinoyat ishlar bo‘yicha sudlov hay’ati raisi T.Boyzoqov Nurobod tumanining chekka hududi, aholisi ko‘p hisoblangan Jom qishlog‘ida sayyor qabul o‘tkazdi.

 Shu qishloqda yashovchi E.Bekmurodov va N.Abdunazarova nomiga olingan kredit yuzasidan majburiy tartibda fuqarolik sudining qarori chiqqanidan norozi bo‘lib murojaat qildi. Ularga huquqiy tushuntirish berildi va yo‘l-yo‘riq ko‘rsatildi.

 Ittifoq mahallasida yashovchi Sh.Xushvaqtov jinoyat ishlari bo‘yicha Nurobod tuman sudining qaroridan norozi bo‘lib murojaat qildi. Apellyatsiya shikoyati berish muddatini tiklash to‘g‘risida iltimosnoma berish tartibi tushuntirildi.

 B.Esanov sodir qilgan noqonuniy qilmishi uchun muayyan huquqdan mahrum qilish jazosini, N.Norbo‘tayev ozodlikdan cheklash jazosini o‘tayotgan edi. Ular jazodan to‘g‘ri xulosa chiqarganligini, qilmishidan pushaymonligini bildirib, jazodan muddatidan ilgari shartli ozod qilishni so‘radi. Har ikkala holat batafsil o‘rganib chiqildi. Shu yerda sayyor sud tashkil etilib, ular jazodan muddatidan oldin shartli ravishda ozod qilindi.

 Sayyor qabul davomida 30 nafardan ortiq fuqaroning murojaati tinglandi.