Bosh vazir o‘rinbosari – Oila va xotin-qizlar davlat qo‘mitasi raisi Zulayho Mahkamova Sirdaryo tumanida portlash sodir bo‘lgan harbiy qism yaqinida joylashgan "Ilg‘or" mahallasida bo‘lib, mahallaning "Oqila ayollar" harakati a’zolari bilan uchrashdi.

Mahalladagi kam ta’minlangan, ijtimoiy himoyaga muhtoj oilalar holidan xabar olindi. Yaxshigul momo Shakarova, Shahribonu momo Qo‘shoqova xonadonlarida ayollar bilan suhbat qurildi.

Mahalladagi 23-umumta’lim maktabi kutubxonasiga borilib, oilalarda kitobxonlik madaniyatini oshirish bo‘yicha fikrlashildi.

Bosh vazir o‘rinbosari Mirzaobod tumani “Yo‘ldoshobod” mahallasida sodir etilgan qasddan badanga og‘ir shikast yetkazish jinoyati yuzasidan muhokama yig‘ilishida ishtirok etdi.

Muhokama yig‘ilishida sektorlar vakillari, viloyat prokuraturasi, viloyat IIB, tuman hokimligi, Oila va xotin-qizlar bo‘limi, "Oqila ayollar" harakati a’zolari hamda keng jamoatchilik vakillari ishtirok etdi.

Muhokamada jinoyatni keltirib chiqargan sabab va omillar haqida so‘z bordi. Kelgusida shunga o‘xshash holatlar sodir etilishining oldini olish, bu borada mahalla va tegishli tashkilot vakillari hushyorligini oshirish lozimligi ta’kidlandi.