Samarqand viloyati hokimi E.Turdimov bugun Respublika ixtisoslashtirilgan onkologiya va radiologiya ilmiy-amaliy tibbiyot markazi Samarqand filialiga borib, bemorlar holidan xabar olib, ularni Yangi yil bilan tabrikladi.

– Kasallikka qarshi birgalikda kurashamiz, xudo xohlasa, albatta bu darddan shifo topasizlar. Buning uchun biz qo‘limizdan kelgan barcha yordamni ko‘rsatamiz. Shuni unutmangki, sizlar davlatimizning doimiy e’tiboridasizlar, – dedi E.Turdimov.  

Filialda davolanayotgan bolalarga Qorobobo va Qorqiz ishtirokida sovg‘alar topshirildi. Bayram munosabati bilan kecha viloyat hokimi bir guruh nuroniylar, mehnat faxriylari xonadoniga borib, ularni bayram bilan tabriklagan edi.