Самарқанд вилояти ҳокими Э.Турдимов бугун Республика ихтисослаштирилган онкология ва радиология илмий-амалий тиббиёт маркази Самарқанд филиалига бориб, беморлар ҳолидан хабар олиб, уларни Янги йил билан табриклади.

– Касалликка қарши биргаликда курашамиз, худо хоҳласа, албатта бу дарддан шифо топасизлар. Бунинг учун биз қўлимиздан келган барча ёрдамни кўрсатамиз. Шуни унутмангки, сизлар давлатимизнинг доимий эътиборидасизлар, – деди Э.Турдимов.  

Филиалда даволанаётган болаларга Қоробобо ва Қорқиз иштирокида совғалар топширилди. Байрам муносабати билан кеча вилоят ҳокими бир гуруҳ нуронийлар, меҳнат фахрийлари хонадонига бориб, уларни байрам билан табриклаган эди.