Mazkur sayyor uchrashuvda O‘zbekiston Respublikasi Prezidentining Davlat maslahatchisi o‘rinbosari Alisher Usmanov, Prezident administratsiyasi yetakchi inspektori Shokir Atadjanov, Surxondaryo viloyati Xalq qabulxonasi rahbari Abdulhakim Eshmuratov, Denov tumanining sektor rahbarlari, viloyat va tuman korxona, tashkilotlari rahbarlari qatnashdi.

Qabul jarayonida aksariyat fuqarolarning murojaatlari joyida hal etildi. Xususan, tog‘li Sina qishlog‘idan Sayyora Temirova oilaviy sharoiti yaxshi emasligi va ishlash istagi borligini aytib murojaat qildi. Uning murojaati o‘sha joyning o‘zida hal etilib Sayyora Temirova o‘zining uyiga yaqin bo‘lgan 14 qishloq vrachlik punktiga ishga kirdi. Masalasi bu qadar oson hal bo‘lgan fuqaro xursandligini izhor etishdi.

Denov tuman fuqarosi Shodiyev Qurbonali taqdir taqozosi bilan og‘ir sharoitga tushib qolgan. Uning turmush o‘rtog‘i bir necha yildan buyon jigar serrozi bilan og‘riydi. U bugungi kunda turmush o‘rtog‘i uchun dori-darmon olishda moddiy qiyinchilikka duch kelmoqda. Ushbu masala Denov tuman hokimi B.Ibotov va Denov tuman Tibbiyot birlashmasi rahbari Y.Bo‘riyev tomonidan nazoratga olinib, unga moddiy yordam ajratildi.

Qabulda yoshlarni ish bilan ta'minlash, ularni qiynayotgan masalalarni hal etishga alohida e'tibor qaratildi. Qabulda Denov tumanidagi “Dashti chinor” mahallasi fuqarosi To‘rayev Shohruh tadbirkorlikni yo‘lga qo‘yish istagini bildirdi. O‘zbekiston Respublikasi Prezidenti maslahatchisi o‘rinbosari Alisher Usmanov To‘rayev Shohruhga kredit ajratilishi bo‘yicha ko‘satma berdi. Shu joyning o‘zida 4-sektor rahbari - Denov tuman Soliq inspeksiyasi rahbari Odil Yoqubov Shohruhga tumandagi tijorat banki tomonidan 28 million kredit rasmiylashtirish uchun tavsifnoma rasmiylashtirdi.

Olti soat davom etgan qabulda 186 ta murojaat eshitildi. Shundan 45 foizi joyida hal etildi. Qolgan 55 foiz murojaatlar nazoratga olindi.

O‘zA