Samarqand viloyat adliya boshqarmasiga Samarqand shahar, “Chilquduq” mahallasida yashovchi fuqaro Sh.Muxamedov oxirgi 2 yil davomida ishga joylashish maqsadida o‘nlab tashkilotlarning ostonasida ovora bo‘lib, ishga kirolmasdan yurganligi sababli uni ishga joylashishda amaliy yordam berishni hamda so‘rab murojaat qildi.

Fuqaro Sh.Muxemedovning murojaati viloyat adliya boshqarmasi tomonidan o‘rganilib, shahar bandlikka ko‘maklashish markazi jalb qilingan holda Samarqand shahrida joylashgan harbiy qismga avtomobil haydovchisi vazifasiga ishga joylashish uchun yo‘llanma taqdim etildi.

Bundan tashqari, xuddi shu fuqaro tomonidan 3 oydan beri o‘zboshimchalik bilan qurilgan turar-joyga nisbatan mulk huquqi ololmayotganligidan norozi bo‘lib viloyat adliya boshqarmasiga murojaat qildi.

Ushbu murojaat viloyat adliya boshqarmasi Ijtimoiy-iqtisodiy sohada huquqni qo‘llash amaliyotini o‘rganish bo‘limi tomonidan ko‘rib chiqilib, o‘zboshimchalik bilan qurilgan uy-joyga nisbatan mulk huquqini e’tirof etishda qonunbuzilishiga yo‘l qo‘ygan aybdor shaxslarga nisbatan ma’muriy jazo choralari qo‘llanildi hamda fuqaroning o‘zboshimchalik bilan qurilgan uy-joyiga nisbatan mulk huquqini e’tirof etish bo‘yicha Samarqand shahar hokimining qarori qabul qilinib, mulk egasiga topshirildi.