Tomdi tumani Davlat xizmatlari markazi mutaxassislari tumanning olis hududlari hisoblangan Keregetau, Keriz va Suketti ovullaridagi aholiga davlat xizmatlarini ko‘rsatdilar.

Tumandan qariyb 100 kilometr uzoqlikdagi mazkur aholi hududlarida 422 ta xonadon istiqomat qiladi. 

Avtobusda har bir hudud ovul binosida, kerak bo‘lsa, uzoq aholi punktlari, fermalarigacha borib xizmat ko‘rsatildi. 

Hududda 3400 nafardan ortiq fuqaroga 5 ta umumta’lim maktabi, 3 ta maktabgacha ta’lim muassasasi, 3 ta qishloq vrachlik punktlari aholi xizmatida. 

Odamlarning davlat xizmati yuzasidan qilgan murojaatlariga mobil avtobusning o‘zida sayyor xizmat ko‘rsatildi. 69 nafar fuqaro davlat xizmatini vaqtida ovoragarchiliksiz, yo‘l yurmay, shundoq ovul fuqarolari binosida olganidan mamnun.

“Avvallari, hatto uy-joylar kadastr hujjatlarisiz qurilgan, tadbirkorlar davlat ro‘yxatidan o‘tmay, soliq to‘labgina faoliyat olib borganlar, xolos. Mana endi tadbirkorning ham, fuqaroning ham yumushi oson bitmoqda. Qanchadan-qancha ariza va murojaatlar qog‘ozlarda qolib ketgandi. Endi cho‘ldagi odamlar murojaati, istagi hatto, uyma-uy o‘rganilmoqda, yechimi topilmoqda“, deydi “Keriz“ ovul fuqarolari yig‘ini raisi Alimbet Meylikulov.

Muhriddin Nurullaev

Tomdi tumani DXM direktori