Bosh prokuror Nig‘matilla Yo‘ldoshev tomonidan Qoraqalpog‘istonda o‘tkazilgan sayyor qabulda 25 nafar jismoniy va yuridik shaxslarning vakillari qabul qilindi.

Prokuratura organlarida jismoniy va yuridik shaxslarning murojaatlari bilan ishlash tizimini takomillashtirish, ommaviy sayyor qabullar hamda videokonferentsaloqa orqali qabullar o‘tkazib, fuqarolar bilan ochiq muloqotni kengaytirish, ularning muammolarini hal etishga qaratilgan qator ishlar amalga oshirilmoqda.

O‘tkazilayotgan qabullarda fuqarolarning bir necha yillardan buyon o‘zining echimini topmayotgan muammo va takliflarini joyida hal etishga alohida e’tibor qaratilmoqda.

Shunga ko‘ra, joriy yilning 9 dekabrda Bosh prokuror N.Yo‘ldoshev tomonidan Qoraqalpog‘iston Respublikasida sayyor qabul o‘tkazilib, jami 25 nafar jismoniy va yuridik shaxslarning vakillari qabul qilindi (murojaatlarning 3 tasi sud masalalari, 1 tasi prokuratura va 1 tasi ichki ishlar organlari faoliyatlariga hamda 20 tasi boshqa masalalarga oid).

Fuqarolar tomonidan qabulda topshirilgan murojaatlar nazoratga olinib, qonuniy hal etilishi ta’minlanadi.